Anim na taon na pala: Asan na ang hustisya para sa mga biktima?

Anim na taon na ang nakararaan matapos ang isa sa pinakamadugo at karumaldumal na pangayayari na kaugnay ng eleksyon pero wala pa ring naisasampang kaso sa mga suspek lalong-lalo na sa pamilya ni Ampatuan Sr. Si Esmael Mangudadatu, vice mayor ng bayan ng Buluan, ay tatakbo bilang gobernador; makakalaban nya sa pwesto si Andal Ampatuan Jr., anak ng dating gobernador ng Maguindanao na si Andal Ampatuan Sr. Ang Ampatuan clan ang isa sa pinakamakapangyarihang political family sa buong rehiyon. Clan wars ito na tinatawag. Sinasabi na matagal na ang alitan ng dalawang angkan at magpasahanggang ngayon ay patuloy pa rin ang banggaan.

Sabi ni Aquino ng mahalal syang pangulo noong 2010 eh papanagutin nya ang lahat ng may kasalanan bago sya bumaba sa pwesto. Ano na po? Amnesia?

November 23, 2009.

Nabalot ng takot at paghihinagpis ang buong bansa sa balita na mahigit limampu't walong mga inosenteng biktima ang walang awang pinatay sa isang bayan sa probinsya ng Maguindanao. Bago pa man makaabot ang convoy ni Vice Mayor Esmael Mangudadatu sa opisina ng COMELEC sa Shariff Aguak para mag-file ng COC ay naharangan sila ng mahigit isang daang armadong kalalakihan. Kasama niya kanyang asawa na si Genalyn at ang kanyang dalawang kapatid, kamag-anak, abugado at mahigit tatlumpu't pitong mga mamamahayag na inimbitahan ni Mangundadatu para sana mag-cover sa kanyang pag-file ng certificate of candidacy sa Comelec. Walang awang silang pinagpapatay ng mga armadong kalalakihan, at ang nakakapangilabot pa ay ilan sa kanila ang pinugutan pa ng ulo, binaril sa maseselang parte ng katawan at ginahasa bago pinatay. Inihagis ang mga biktima, kasama pati ang kanilang mga sasakyan, sa isang malaking hukay pakatapos ay tatabunan yun nga lang hindi nila natapos ang kanilang trabaho dahil may namataan silang umaali-aligid na helicopter ng militar. Mga tauhan ni Governor Andal Ampatuan Sr. ang mga armadong kalalakihan (na karamihan pala dito pulis) at ang excavator na nakita sa pinangyarihan ng krimen ay may nakatatak pa na pangalan nya at pag-aari ng provincial government. Si Ampatuan Sr. daw ang mastermind at si Jr. naman ang namuno sa pag-atake. Sa mga bikitima, tatlumpu't apat ang nakumpirmang mamamahayag; isa na ito sa pinakamadugong insidente sa kasaysayan ng mga mamamahayag dito sa Pilipinas.